Mańǵystaýda teńiz jaǵalaýynan tabylǵan qustardyń neden ólgeni belgili boldy

AQTAÝ. KAZINFORM – Jergilikti turǵyndar Aqtaý qalasyndaǵy 1-shaǵyn aýdan aýmaǵyndaǵy jaǵalaýda jáne Túpqaraǵan aýdany «Kók shyǵanaq» jaǵalaýynan ólgen qustardy anyqtaǵan bolatyn.

Mańǵystaý oblystyq orman sharýashylyǵy jáne janýarlar dúnıesi aýmaqtyq ınspektsııasynyń habarlaýynsha, qanattylardyń ólimi – tabıǵı jaǵdaı.

- Jappaı qyrylý tilkelgen joq. Memlekettik ınspektorlar apta saıyn teńiz jaǵalaýyn aınalyp ótip, qustardyń tabıǵı ólimin tirkeldi. Aıta keteıik, osy jaqynda sýda júzetin qustardyń qonys aýdarýy ótti. Myńdaǵan qustyń arasynan álsizderi tabıǵı jaǵdaıda ólgen. Onyń ústine jýyrda Túpqaraǵan aýdanyndaǵy jaǵalaý syzyǵynda qalyń qar jaýdy, - deıdi ınspektsııadaǵylar.

Mamandar «Kók Shyǵanaq» jaǵalaýynyń ańshylyq sharýashylyqqa berilgen oryn ekenin aıtady. Munda 8 - 22 naýryz aralyǵynda zańdy túrde kóktemgi ań aýlaý maýsymy ashylǵan.

Buǵan deıin Kaspıı teńiziniń jaǵalaýynda ıtbalyqtarǵa áýeden barlaý jumystary júrgizilgeni týraly jazǵan bolatynbyz.