Mańǵystaýda táýligine 50 myń tekshe metr sý tuşylandyratyn zaýyt salý josparlanyp otyr
ASTANA. KAZINFORM — Mańǵystaý oblysynda táýligine 50 myń tekshe metr sý tuşylandyratyn zaýyt salý josparlanyp otyr. Bul týraly Qazaqstandaǵy memlekettik-jekeshelik áriptestikti damytýǵa arnalǵan halyqaralyq ınvestıtsııalyq dıalogta Qazaqstandyq MJÁ ortalyǵy basqarma tóraǵasynyń birinshi orynbasary Aıdos Kóbetov málimdedi.
Onyń aıtýynsha, joba memlekettik-jekemenshik áriptestik aıasynda iske asyrylady.
— Mańǵystaý oblysynda táýligine 50 myń tekshe metr sý tuşylandyratyn zaýyt salý josparlanyp otyr. Bul jobany Dúnıejúzilik banktiń Halyqaralyq qarjy korporatsııasy súıemeldep jatyr, — dedi Aıdos Kóbetov.
Spıkerdiń aıtýynsha, atalǵan joba Memleket basshysynyń tapsyrmasymen aıqyndalǵan erekshe mańyzy bar jeti iri jobanyń qataryna kiredi.
Aıta keteıik, buǵan deıin Qazaqstanda memlekettik-jekemenshik áriptestik aıasynda jalpy quny 3 trln teńgeden asatyn 1300 kelisim jasalǵany habarlanǵan edi.
