Mańǵystaýda tarıhı Qaraqabaq qalashyǵy zerttelip jatyr
AQTAÝ. KAZINFORM — Mańǵystaý oblysynda ornalasqan Qaraqabaq qalashyǵynda keshendi arheologııalyq zertteý jumystary qolǵa alyndy. Qazba jumystaryna óńirlik mýzeıdiń arheologteri men Álkeı Marǵulan atyndaǵy Arheologııa ınstıtýtynyń mamandary qatysyp jatyr.
Ábish Kekilbaıuly atyndaǵy Mańǵystaý oblystyq tarıhı-ólketaný mýzeıinde jańadan ashylǵan «Arheologııa» bóliminiń mamandary Álkeı Haqanuly Marǵulan atyndaǵy Arheologııa ınstıtýtynyń mamandarymen birlesip Qaraqabaq qalashyǵynda ǵylymı-zertteý jáne arheologııalyq qazba jumystaryn bastady. Bul týraly oblystyq mádenıet, tilderdi damytý jáne arhıv isi basqarmasy habarlady.
— Ǵylymı-zertteý jumystary barysynda tarıhı eskertkishtiń qurylymy, mádenı qabattary men qundy arheologııalyq derekter jan-jaqty zertteletin bolady. Bul jumystar óńir tarıhyn tereńirek tanýǵa jáne tarıhı-mádenı murany saqtaýǵa óz úlesin qosady, — delingen habarlamada.
Al qazba jumystarynyń barysy, tabylǵan oljalar men qyzyqty derekter mýzeıdiń paraqshasyna shyǵarylady.
Buǵan deıin, Mańǵystaýda Rım dáýirimen baılanysty kóne qala tabylǵan bolatyn.
