17:45, 03 Qarasha 2025 | GMT +5
Mańǵystaýda taǵy da ıtbalyq qyrylyp jatyr
AQTAÝ. KAZINFORM – Teńiz sútqorektileriniń ólekseleri Túpqaraǵan aýdany Baýtın aýyly aýmaǵyndaǵy teńiz jaǵasynan anyqtalǵan. Itbalyqtardy baıqap, quzyrly organdarǵa habar bergen turǵynnyń aıtýynsha, jaǵalaýda 6 ólekse jatyr. Onyń ekeýiniń moıynyna aý oralǵan.
Osy oqıǵa boıynsha Mańǵystaý oblystyq balyq ınspektsııasy basqarmasy barlyq quzyrly organ ınspektorlary oqıǵa ornyna ketkenin habarlady.
— Mamandar algarıtm boıynsha jumys isteıdi. Ekologııa jáne gıdrobıologııa ınstıtýtynyń qyzmetkerleri sol jerde, — delingen habarlamada.
Buǵan deıin, bıyl shilde aıynda Aqtaýda teńiz jaǵalaýynan ıtbalyqtyń óleksesi tabylǵan bolatyn.
Al, bıyl mamyr aıynda Mańǵystaýda teńiz jaǵalaýynan 279 ıtbalyqtyń óleksesi tabyldy.