Mańǵystaýda tabıǵı nysandy búldirgen turǵyn 25 táýlikke qamaldy
AQTAÝ. KAZINFORM — Mańǵystaý oblysynda Ybyqty saı shatqalyndaǵy vandalızm deregi boıynsha qylmystyq is qozǵaldy.
Polıtsııa qyzmetkerleri áleýmettik jelilerge monıtorıng júrgizý barysynda atalǵan shatqal aýmaǵyndaǵy tastarǵa er adamnyń óz aty-jónin jáne avtokóliginiń memlekettik tirkeý nómirin jazyp ketkenin anyqtaǵan. Atalǵan quqyq buzýshylyqty jasaǵan 21 jastaǵy Mańǵystaý oblysynyń turǵyny bolyp shyqty.
- Vandalızm faktisi boıynsha qylmystyq is qozǵaldy. Sot úkimimen oǵan 25 táýlikke qamaýǵa alý jazasy taǵaıyndaldy. Qazirgi ýaqytta ol qamaýǵa alynyp, tergeý ızolıatoryna ornalastyryldy, - delingen habarlamada.
Polıtsııa tabıǵı nysandarǵa, tarıhı-mádenı mura obektilerine jáne eskertkishterge jazý nemese sýret salý áreketteri jol berilmeıtinin eskertedi. Mundaı zańsyz áreketterge ákimshilik jáne qylmystyq jaýapkershilik qarastyrylǵanyn eske saldy.
Buǵan deıin, Mádenıet jáne aqparat mınıstrligi men quqyq qorǵaý salasynyń mamandary tarıhı murany saqtaý erejeleri men vandalızm úshin qoldanylatyn jazanyń qatańdatylǵanyn málimdegen bolatyn
