Mańǵystaýda sý tushytatyn qondyrǵy iske qosyldy
AQTAÝ. KAZINFORM — Táýligine 4 500 tekshe metr sý tushytatyn qondyrǵy Aqtaý qalasynyń irgesindegi Saıyn Shapaǵatov aýylynda paıdalanýǵa berildi.
Sý tushytý zaýyty jerasty sýlaryn paıdalanyp, aýyl halqyna sanıtarlyq talapqa saı aýyz sý berip otyr.
Aldaǵy ýaqytta óndiris qýatyn táýligine 6 500 tekshe metrge deıin arttyrý kózdelgen.
Joba quny — 1 mıllıard teńge.
— Jańa qondyrǵynyń kómegimen zaýyttyń qýaty eki ese artty. Kásiporyn táýligine 4 500 tekshe metr sý tushytady. Bul óz kezeginde on myńǵa jýyq turǵyny bar Saıyn Shapaǵatov pen kórshiles 15 myń adam turatyn Aqshuqyr aýylyn aýyz sýmen tolyq qamtamasyz etýge múmkindik beredi, — deıdi Mańǵystaý oblysynyń ákimi Nurdáýlet Qılybaı.
Aıta keteıik, aımaqta aýyz sý tapshylyǵy bar.
Buǵan deıin Aqtaýda 3 kún boıy aýyzsýsyz qalǵan turǵyndardyń janaıqaıyn jetkizgen edik.
