Mańǵystaýda shegirtkege qarsy kúres jumystary kúsheıtildi
AQTAÝ. KAZINFORM — Aımaqta shegirtkelerdiń kóbeıýine baılanysty hımııalyq óńdeý jumystary júrgizilip jatyr. Buǵan deıin, áleýmettik jelilerde turǵyndar shegirtkeniń qaptap ketkenin aıtyp, alańdaýshylyq bildirgen bolatyn.
Mańǵystaý oblystyq aýmaqtyq ınspektsııasy basshysynyń mindetin atqarýshy Joldas Saǵynǵalıdyń aıtýynsha, bıyl shegirtke zııankesteriniń kóbeıýine jaýyn-shashynnyń jıi túsýi men aýa raıynyń qolaıly bolýy áser etken.
- Qazirgi ýaqytta ınspektsııa qyzmetkerleri men ádistemelik ortalyq ókilderi birlesip, turaqty monıtorıng jáne tekserý jumystaryn júrgizýde. Zertteý barysynda zııankester taralǵan aýmaqtar men ekonomıkalyq zııandylyq shegi asqan jerler anyqtalyp jatyr. Anyqtalǵan aýmaqtar boıynsha málimetter jergilikti atqarýshy organdar men qyzmet kórsetýshi uıymdarǵa joldanady. Al shegirtkege qarsy hımııalyq óńdeý jumystaryn merdiger mekeme júrgizip jatyr, - deıdi Joldas Saǵynǵalı.
Inspektsııanyń málimetinshe, bekitilgen josparǵa sáıkes bıyl shegirtkege qarsy 11,1 myń gektar jerdi óńdeý kózdelgen. Onyń ishinde Beıneý aýdanynda – 9,1 myń gektar, Mańǵystaý aýdanynda – 2 myń gektar aýmaq qamtylady.
Qazirgi ýaqytta Beıneý aýdanynda 4,3 myń gektar jerge hımııalyq óńdeý júrgizilgen. Sondaı-aq zııankesterdiń taralýyn shekteý maqsatynda Tuşyqudyq aýyldyq okrýginiń aýmaǵynda da óńdeý jumystary jalǵasady.
Buǵan deıin, ǵalymdar shegirtkege qarsy hımıkattarǵa balama bıopreparat ázirlegen bolatyn.
