Pavlodarda úıge tereze arqyly kirip, aqsha urlaǵan kúdikti ustaldy
ASTANA. KAZINFORM — Pavlodarda jeke úıge tereze arqyly kirip, 470 myń teńge kólemindegi aqshany urlady degen kúdikpen er adam ustaldy.
Oqıǵa oblys ortalyǵynda bolǵan. Polıtsııanyń kezekshi bólimine turǵyn habarlasyp, beıtanys adamnyń úıine tereze arqyly kirip, aqshasyn urlap ketkenin aıtqan.
Aryz túskennen keıin polıtseıler jedel-izdestirý sharalaryn uıymdastyrdy. Nátıjesinde kúdiktiniń jeke basy qysqa ýaqyt ishinde anyqtalyp, ol ustaldy.
— Urlyq faktisi boıynsha sotqa deıingi tergeý júrgizilip jatyr. Kúdikti ustalyp, ýaqytsha ustaý ızolıatoryna qamaldy. Qazir onyń osyǵan uqsas basqa da qylmystarǵa qatysy bar-joǵy tekserilip jatyr, — dedi Pavlodar polıtsııa basqarmasynyń bastyǵy Balǵabaı Qaparov.
Polıtsııa azamattarǵa óz múlkiniń qaýipsizdigine muqııat bolýdy eskertti. Aqsha men baǵaly zattardy kózge túsetin jáne ońaı qol jetkizetin jerde qaldyrmaǵan jón. Úıden shyǵar kezde esik pen terezelerdiń tolyq jabylǵanyn tekserý qajet.
Sondaı-aq turǵyn úıge berik qulyptar ornatyp, kúzet dabyly men beınebaqylaý júıesin paıdalaný urlyqtyń aldyn alýǵa kómektesedi.
Eske salaıyq, buǵan deıin Astanada aýrýhana qyzmetkeri naýqastyń altynyn urlap, lombardqa ótkizgenin jazǵanbyz.
