Mańǵystaýda Saıótes aýlynyń turǵyndary apatty úılerinen kóship, san soǵyp qaldy

AQTAÝ. KAZINFORM – Turǵyndardyń aıtýynsha, ákimdik apatty úıdiń ornyna berilgen baspanalardyń jekeshelendirilmeıtinin aldyn-ala eskertpegen.

Saıótes aýylynda 60-jyldary salynǵan eki qabatty 22 turǵyn úı bar. 2023 jyly sonyń úsheýi apatty dep tanyldy. Turǵyndardy qaýipsiz jerge kóshirý úshin 2024-jyly ár qaısysy 4 otbasyna arnalǵan 3 úı salyndy. 

— Aýdan ákimi baspanalardyń kiltin kelisimshartpen tanystyrmastan berip ketti. Turǵyndarǵa jaldamaly ekeni aıtylmady. Kelisimshartpen tanysý barysynda biz páterlerdiń ómir boıyna shekteýsiz jaldamaly ekenin bilip, kelisimshartqa qol qoıýdan bas tarttyq, — deıdi turǵyndar.

Aýyldyqtar jeke baspanalarynyń ornyna berilgen páterlerdi jekeshelendirip berýdi suraıdy.

— Osy máselemen oblys ákimine birneshe ret hat jazdyq. Biraq eshqandaı jaýap ala almaı otyrmyz. Qazir osy úılerde turyp jatyrmyz. Biraq, kommýnaldyq mekeme kelisimshartqa qol qoımadyńdar dep qysym kórsetý maqsatynda gazdy, elektr energııasy men sýdy qıyp ketti. Úıdiń kiltin tapsyr, sotqa beremiz dep qyspaqqa alyp, qorqytyp otyr, — deıdi turǵyndar. 

Mańǵystaý aýdany ákiminiń orynbasary Jandos Romanulynyń aıtýynsha, jańa baspanalar turǵyndarǵa Qazaqstan Respýblıkasy Úkimetiniń 2013 jylǵy 2 shildedegi № 673 qaýlysyna sáıkes berilgen. ıAǵnı zań boıynsha jekeshelendirýge jatpaıdy. Búgingi tańda 11 turǵynnyń 3eýi kelisim shartqa qol qoıǵan.

— Saıótes aýylyndaǵy apatty turǵyn úı máselesi, turǵyndardyń kóp jyldan beri kóterip, sheshimin tappaı turǵan máseleniń biri edi. 2023 jyly qos qabatty 3 úı apatty bolyp tanylyp, sol úıde turyp jatqan 11 turǵyndy qaýipsiz jerge kóshirý maqsatynda, 4 basty 3 úı salynyp, tabystaldy. Osy ýaqytqa deıin kommýnaldyq tólemderin úıdi salǵan merdiger mekeme tólep keldi. Budan bylaı tóleýden bas tartyp otyr. Sondyqtan elektr ánergııa, gaz tolyq jeliden qıyldy. Turǵyndar kelisim shartqa qol qoısa, kommýnaldyq jelini qosýǵa esh kedergi joq, — deıdi aýdan ákiminiń orynbasary. 

Buǵan deıin, Atyraýda apatty úılerde turatyn 24 otbasyǵa jańa baspana berilgeni týraly jazǵan bolatynbyz.