Mańǵystaýda respýblıkalyq mańyzy bar avto jol jóndeledi
AQTAÝ. KAZINFORM – Mańǵystaý oblysynda Jańaózennen Túrikmenstannyń shekarasyna deıingi kúre jol jóndelmekshi. Bul týraly QR Kólik mınıstrligi málimdedi.
Mınıstrlik uzyndyǵy 229 kılometr qashyqtyqty qamtıtyn «Jańaozen-Kendirli Túrikmenstan» respýblıkalyq mańyzy bar avto jolyn jóndeý máselesin oılastyryp jatyr.
«Bul Kendirli kýrorttyq aýyly men Mańǵystaý oblysynyń týrıstik áleýetin odan ári damytýǵa septigin tıgizedi», — dedi kólik mınıstri Marat Qarabaev jumys sapary barysynda.
Qazirgi ýaqytta jol IV tehnıkalyq sanatqa jatady. Joldyń jóndeýge jatatyn buzylǵan bóligi jol boıynyń barlyq qashyqtyǵynan baıqalǵan.
Marat Qarabaev avtokóligin Jańaózennen Túrkimenstan shekarasyna deıingi baǵytta jol jamylǵysynyń jaǵdaıyna kóz jetkizip, ózi júrgizgen.
Jóndeý jumystary aıasynda jol tóseminiń qurylymyn nyǵaıtyp, betin jańartý josparlanyp otyr.
