Mańǵystaýda probatsııa talaptaryn birneshe ret buzǵan sottalǵan qaıta qamaýǵa alyndy
AQTAÝ. KAZINFORM –Túpqaraǵan aýdandyq sotynda probatsııa qyzmetiniń esebinde turǵan sottalǵanǵa qatysty kórsetilimdik sot otyrysy ótti.
Sot málimetinshe, er adam probatsııalyq baqylaý talaptaryn birneshe ret buzǵan. Ol turǵylyqty jerinde bolmaǵan, birneshe táýlik boıy úıine kelmegen jáne jumys isteý úshin basqa jerge ketkeni týraly probatsııa qyzmetkerlerine habarlamaǵan.
Sonymen qatar narkologııalyq skrınıng kezinde onyń bıologııalyq synamasynan esirtki zatynyń belgileri anyqtalǵan.
Osyǵan baılanysty probatsııa qyzmeti sotqa jazanyń ótelmegen bóligin bas bostandyǵynan aıyrý jazasyna aýystyrý týraly usynym engizdi.
Sot usynymdy qanaǵattandyryp, sottalǵandy sot zalynda qamaýǵa alý týraly sheshim qabyldady. Ol jazasynyń qalǵan bóligin óteý úshin qylmystyq-atqarý júıesi mekemesine jiberildi.
Sot otyrysyna prokýratýra ókilderi, probatsııa qyzmetkerleri jáne probatsııa esebinde turǵan ózge de tulǵalar qatysty. Kórsetilimdik sot otyrysy barysynda probatsııa talaptaryn buzýdyń quqyqtyq saldary túsindirildi.
Buǵan deıin, Prokýratýra 21 myńnan astam mańǵystaýlyq sportshynyń quqyǵyn qorǵady.
