Mańǵystaýda poıyzdan 84 lıtr zańsyz alkogol tárkilendi

AQTAÝ. KAZINFORM — Mańǵystaý oblysyndaǵy № 329 «Dýshanbe — Volgograd» jolaýshylar poıyzynda 84 lıtr zańsyz alkogol tárkilendi.

Mańǵystaý oblysy boıynsha Memlekettik kirister departamentiniń habarlaýynsha, 2026 jylǵy 20 sáýirde «Beıneý» keden beketiniń qyzmetkerleri Qazaqstan Respýblıkasy Ulttyq qaýipsizdik komıteti Shekara qyzmetimen birlesip, Beıneý stantsııasynda № 329 «Dýshanbe — Volgograd» jolaýshylar poıyzyna kedendik baqylaý júrgizý barysynda sheteldik óndiristiń 84 lıtr (168 bótelke) deklaratsııalanbaǵan alkogol ónimderin anyqtap, tárkilengen.

Taýar Ózbekstan azamatshasy (1994 jyly týǵan) jolaýshynyń jeke zattarynyń arasynda bolǵan. Áıel alkogoldi Eýrazııalyq ekonomıkalyq odaqtyń kedendik shekarasy arqyly mindetti deklaratsııalaýsyz jáne kedendik tólemderdi tólemeı, bagajynda jasyryp ótkizýge tyrysqan.

— Іs materıaldaryn qaraý nátıjesinde 2026 jylǵy 24 sáýirde Mańǵystaý oblysy Beıneý aýdandyq soty Ózbekstan azamatshasyn Qazaqstan Respýblıkasynyń Ákimshilik quqyq buzýshylyq týraly kodeksiniń 545-baby boıynsha ákimshilik jaýapkershilikke tartty. Oǵan 64 875 teńge (15 aılyq eseptik kórsetkish) mólsherinde aıyppul salynyp, tárkilengen taýardy konfıskatsııaǵa alý taǵaıyndaldy, — delingen habarlamalda.

Buǵan deıin, Aqtaýda et pen kókónis baǵasyn negizsiz kótergen kásipkerlerge ákimshilik shara qoldanyldy.