Mańǵystaýda polıtsııa kóligi jol apatyna ushyrady

AQTAÝ. KAZINFORM — Jol-kólik apaty Beıneý aýylynda bolǵan. Beınebaqylaý jazbalarynda kólik qatty jyldamdyqpen kelip, polıtsııa kóligine soqtyǵysady.

Oblystyq polıtsııa departamentiniń habarlaýynsha, kólikte jasóspirim bolǵan.

— Polıtsııa kóliginiń qatysýymen bolǵan jol-kólik oqıǵasy 25 qarashada tirkeldi. Beınejazbada «Toyota Camry» avtokóligi joǵary jyldamdyqpen patrýldik kólikke soǵylǵany kórinedi. Kólikti 17 jastaǵy jas jigit basqarǵan. Onyń ata-anasy kámelet jasqa tolmaǵan balaǵa kólik júrgizýge jol bergeni jáne tárbıeleý mindetterin tıisinshe oryndamaǵany úshin ákimshilik jaýapkershilikke tartyldy, — delingen habarlamala. 

Abyroı bolǵanda, jol-kólik apatynan eshkim zardap shekpegen. Atalǵan derek boıynsha qyzmettik tekseris taǵaıyndalǵan. 

Buǵan deıin, Mańǵystaý polıtsııasyn tekserýge arnaıy komıssııa kelgen bolatyn.

Іshki ister mınıstriniń orynbasary Sanjar Ádilov Mańǵystaý oblysyndaǵy polıtsııany tekserýge Ózindik qaýipsizdik departamentiniń basshylyǵy barǵanyn aıtty.