Mańǵystaýda park aýmaǵynda zańsyz balyq aýlaǵan turǵyn qolǵa tústi
AQTAÝ. KAZINFORM - Mańǵystaýdaǵy "Qyzylsaı" memlekettik óńirlik tabıǵı parki aýmaǵynda bekire tuqymdas balyq aýlaǵan óńir turǵyny ustaldy.
«Bekire» jedel profılaktıkalyq is-sharasy kezinde teńiz jaǵalaýyndaǵy birlesken reıdtik-baqylaý jumystary Jańaózen turǵyny tyıym salynǵan balyqty aýlaǵany úshin polıtsııaǵa tapsyryldy.
«5-7 sáýir kúnderi aralyǵynda „Qyzylsaı“ memlekettik óńirlik tabıǵı parki kommýnaldyq memlekettik mekemesiniń „Adamtas“ memlekettik tabıǵı qaýmalynyń kezekshilikte júrgen memlekettik ınspektorlary, „Kendirli“ shekara qyzmetkerleri jáne tabıǵat qorǵaý polıtsııa qyzmetkerlerimen birge „Bekire“ jedel profılaktıkalyq is-sharasy aıasynda, teńiz jaǵalaýyna birlesken reıdtik-baqylaý jumystaryn júrgizdi. Nátıjesinde Jańaózen qalasynyń turǵyny zańsyz aýlaǵan 2 dana Bekire tuqymdas barlyǵymen ustaldy. Joǵaryda atalǵan azamat zatarymen birge, tıisti hattama toltyrylyp, Qaraqııa aýdandyq polıtsııa bólimine tabystaldy», — dedi park dırektory Myńbergen Qarataýov.
Buǵan deıin tabıǵı park ınspektorlary park aýmaǵynda arqarlardyń tóldeýine baılanysty qaýmal aýmaǵyndaǵy tynyshtyq qamtamasyz etetindikterin málimdegen edi.
Osyǵan deıin Mańǵystaýdaǵy «Qyzylsaı» tabıǵı parkinde arqar men qaraquıryq sany kóbeıgeni týraly aıtyldy.
