Mańǵystaýda órttiń basym bóligi kólik pen turǵyn úıde bolǵan
AQTAÝ. KAZINFORM – Mańǵystaý oblysynda jyl basynan beri 281 órt tirkeldi. Bul ótken jyldyń sáıkes kezeńimen salystyrǵanda 38 oqıǵaǵa nemese 15,6%-ǵa kóp.
Ótken jyly óńirde 243 órt oqıǵasy bolǵan. Bıyl órtterdiń basym bóligi turǵyn úı sektorynda jáne kólikte tirkelgen. Atap aıtqanda, turǵyn úı sektorynda 102 órt boldy. Bul ótken jylǵy 96 oqıǵadan 6-ǵa kóp. Ósim 6,3%-dy qurady.
Al kólik quraldaryndaǵy órt sany 8,1%-ǵa artqan. Bıyl 107 kólik otqa oransa, 2025 jyly 99 mashına qyzyl jalynnan zardap shekken.
Sonymen qatar ártúrli nysanda 69 órt boldy. Ashyq aýmaqtar men salynyp jatqan ǵımarattarda taǵy 3 órt tirkeldi.
– Osyǵan baılanysty turǵyndardy órt qaýipsizdigi talaptaryn qatań saqtaýǵa, elektr jáne jylytý qurylǵylaryn durys paıdalanýǵa, sondaı-aq avtokólikterdiń tehnıkalyq jaǵdaıyn turaqty tekserýge shaqyramyz. Órt qaýipsizdigi – ár adamnyń jaýapkershiligi, – delingen Mańǵystaý oblystyq tótenshe jaǵdaılar departamentiniń resmı aqparatynda.
Aıta keteıik, buǵan deıin Atyraý qalasynyń mańynda qamys pen jyńǵyldyń órtengenin jazǵan edik.
