Mańǵystaýda ólgen ıtbalyqtardyń sany 300-ge jýyqtady
AQTAÝ. KAZINFORM – Kaspıı jaǵalaýyna shyǵyp qalǵan óli ıtbalyqtardyń sany artýda. 24-29 qazan aralyǵynda Kaspıı teńiziniń jaǵalaýynda júrgizilgen monıtorıng kezinde 289 ıtbalyqtyń óleksesi tabyldy.
Teńiz jaǵasyndaǵy monıtorıng jumystaryn Jaıyq-Kaspıı oblysaralyq basseındik balyq sharýashylyǵy ınspektsııasynyń qyzmetkerleri gıdrobıologııa jáne ekologııa ınstıtýtynyń ókilderimen birlesip jasady.
Mańǵystaý oblystyq balyq sharýashylyǵy ınspektsııasy basshysynyń mindetin atqarýshy Andreı Rýtskııdiń aıtýynsha, jaǵalaý aımaǵynyń monıtorıngi jalǵasýda.
«Jergilikti atqarýshy organdar men gıdrobıologııa jáne ekologııa ınstıtýtynyń, Qazaq balyk respýblıkalyq balyq sharýashylyǵy jáne akvamádenıet qaýymdastyǵy fılıalynyń ókilderi sol jerge jumys istep jatyr. Itbalyqtardyń óliminiń sebepteri tıisti zerthanalyq zertteýler júrgizilgennen keıin belgili bolady», - deıdi ol.
Buǵan deıin, Kaspııdiń jaǵalaýynan 100-den asa ıtbalyqtyń óleksesi tabylǵany týraly jazǵan bolatynbyz.
