Mańǵystaýda oqýshylardyń jappaı astan ýlanýyna qatysty tergeý aıaqtaldy

AQTAÝ. KAZINFORM – Qylmystyq is Munaıly aýdandyq sotyna joldanǵan.

Mektep ashanasynyń meńgerýshisi Dámetken Shákenova QR Qylmystyq Kodekstiń 304-baby «adamdardyń jappaı aýrýǵa nemese ýlanýyna ákep soqqan sanıtarlyq erejelerdi nemese gıgıenalyq normatıvterdi buzý» boıynsha aıyptalyp otyr. Jeke kásipker sot barysynda eshqaıda ketpeý jóninde qolhatpen úıine jiberilgen.

Eske salaıyq, byltyr 6 qyrkúıekte Munaıly aýdany Besshoqy aýylyndaǵy nómiri 8-mektepte oqýshylar astan ýlanyp, 460 bala aýrýhanaǵa tústi.

Tekserý nátıjesinde mektep ashanasynan ishek bakterııalary anyqtaldy. 12 qyzmetkerden stafılokokk tabyldy. Al ydys jýýshy dızenterııany tasymaldaýshy bolyp shyqty. Sondaı-aq jeke kásipkerdiń 10 jyldan beri atalǵan mektepti ystyq taǵammen qamtamasyz etkeni belgili boldy. Endi kásipkerge aıyppul salynýy nemese eki jylǵa deıin bas bostandyǵynan aıyrý jazasy taǵaıyndalýy múmkin.

Aıta ketetin jaıt, osy oqıǵadan keıin, elimizdegi mektep ashanalarynyń bári tekserildi.

Buǵan deıin, Mańǵystaýda oqýshylardyń jappaı astan ýlanǵany, astan ýlanǵan eki oqýshynyń jansaqtaý bóliminde jatqany, 

Densaýlyq saqtaý vıtse-mınıstri Aqtaýdaǵy tamaqtan ýlanǵan oqýshylardyń jaǵdaıymen tanysqany týraly jazǵan bolatynbyz.