Mańǵystaýda oqýshy qyzdar tóbelesip, ata-analary jaýapqa tartyldy

AQTAÝ. KAZINFORM — Oqıǵa Munaıly aýdanynda bolǵan. Oqýshy qyzdardyń tóbelesi beınelengen vıdeo áleýmettik jelide taralyp, polıtsııa departamenti qatysýshylardy anyqtaǵan.

Tóbelesken qyzdardyń 2011, 2012 jáne 2013 jyly týǵan jasóspirim ekeni anyqtalyp, olar ata-analarymen birge polıtsııaǵa jetkizilgen.

— Kámeletke tolmaǵandardyń ata-analaryna óz balalarynyń tárbıesi men oqýy boıynsha mindetterin tıisinshe oryndamaǵany, olardyń minez-qulqyna tıisti baqylaý jasamaǵany jáne quqyqbuzýshylyqqa jol bergeni úshin ákimshilik jaýapkershilik júkteldi. Oqıǵa boıynsha materıal jasaqtalyp, kámeletke tolmaǵandar isi jónindegi komıssııaǵa joldanatyn bolady. Qazirgi ýaqytta barlyq qajetti tergeý áreketteri júrgizilip jatyr, — delingen habarlamada.

Sonymen qatar, osy oqıǵaǵa qatysy bar barlyq tulǵa profılaktıkalyq esepke qoıylǵan.

Buǵan deıin Taldyqorǵanda jastar tóbelesi qaıǵyly aıaqtalǵany habarlandy.