Mańǵystaýda oqystan bolǵan jol apatynan eki adam kóz jumdy

Mańǵystaý oblysynda jol apatynan birneshe adam zardap shegip, ekeýi qaıtys boldy, dep habarlaıdy Kazinform.

Qaıǵyly oqıǵa keshe túnde Jańaózen-Aqtaý tasjolynda bolǵan. Bul týraly óńirdiń polıtsııa departamenti málimdedi.

«9 qańtar kúni saǵat 22:20 shamasynda 102 kezekshi pýltine Jańaózen-Aqtaý tas jolynyń 34/193 shaqyrymynda oryn alǵan jol-kólik oqıǵasy týraly shaqyrtý kelip tústi. Mitsubishi Lancer avtokóliginiń júrgizýshisi Toyota Avalon kóligimen soqtyǵysqan. Apat saldarynan oqıǵa ornynda alǵan jaraqattardan Mitsubishi avtokóliginiń 69 jastaǵy júrgizýshisi qaıtys boldy jáne Toyota avtokóliginiń 48 jastaǵy jolaýshysy aýrýhanaǵa barar jolda jedel járdem kóliginde qaza tapty. Sonymen qatar zardap shekken bes adam Jańaózen qalasynyń aýrýhanasyna jetkizildi», - dedi Mańǵystaý oblystyq polıtsııa departamentiniń baspasóz qyzmeti.

Qazir atalǵan derek boıynsha Qylmystyq kodekstiń 45-baby 4-bóligi boıynsha Qaraqııa aýdandyq polıtsııa bóliminde SDTTBT-de tirkeldi. Sot-medıtsınalyq saraptama taǵaıyndalyp, tergeý amaldary júrgizilip jatyr. Ózge aqparat tergeý múddesi úshin jarııa etilmeıtini belgili boldy.