Mańǵystaýda «Oil Services Company» kompanııasy bas dırektorynyń orynbasary 7 jylǵa sottaldy
AQTAÝ. KAZINFORM – Mańǵystaý oblysynyń prokýratýrasy byltyr munaı-gaz salasyndaǵy kásiporyndarǵa tekserý júrgizý barysynda, «Oil Services Company» JShS-niń qyzmetinde jabdyqtardy qabyldaý kezinde zańbuzýshylyqtardy anyqtaǵan. Sonyń negizinde sotqa deıingi tergep-tekserýler júrgizilgen.
Tergep-tekserý sheńberinde kásiporyn men merdiger uıymnyń basshylyq quramyndaǵy úsh tulǵa ustalǵan.
- Sot úkimimen atalǵan adamdardyń barlyǵy kináli dep tanylyp, ártúrli jazaǵa tartyldy. Atap aıtqanda, bıýdjet qarajatyn asa iri mólsherde jymqyrǵany úshin kásiporyn bas dırektorynyń orynbasary 7 jylǵa bas bostandyǵynan aıyryldy. Sondaı-aq, kásiporynnyń bólim basshysy men merdiger kompanııanyń dırektory 2 jyl 4 aı merzimge sottaldy, - delingen habarlamada.
Sottalǵandar 23 mln teńge kólemindegi zalaldy ótegen. Sot úkimi zańdy kúshine endi.
Mańǵystaý oblysynda kıik múıizderin zańsyz saqtaǵan turǵyn ustaldy.