Mańǵystaý mýzeıinde adam terisinen jasalǵan ámııan saqtalǵan

AQTAÝ. KAZINFORM – Ámııandy mýzeıge 1995 jyly Aqtaý qalasynyń turǵyny Lesıtsyn syıǵa bergen.

Маңғыстауда музейде адам терісінен жасалған әмиян сақталған
Фото: Маңғыстау облыстық тарихи-өлкетану музейі

Ábish Kekilbaev atyndaǵy Mańǵystaý oblystyq tarıhı-ólketaný mýzeıi jalpy tarıh bóliminiń meńgerýshisi Baqytjan Rysbaevtyń aıtýynsha ámııan Ekinshi dúnıejúzilik soǵys jyldarynda qoldanysta bolǵan. Jádigerdiń basty ereksheligi — adam terisinen jasalǵan.

— Biraq ámııannyń qaı maıdannan tabylǵany belgisiz. Ǵylymı sıpattamasy joq. Ǵylymı aınalymǵa enbegen. Sımvolıka retinde, soǵystyń jalpy adamzat úshin qandaı qasiret ekenin aıqyndaıtyn jádiger retinde saqtalǵan. Atalǵan jádiger búginde mýzeıimizdiń tarıh zalyna qoıylǵan, — deıdi maman.

Ámııannyń túgendeý kartochkasynda materıaly adamnyń terisi jáne jip dep jazylǵan. Al, qoldanysta bolǵan kezeńi — 1941-1945 jyldar aralyǵy.

Mańǵystaýda mýzeıde adam terisinen jasalǵan ámııan saqtalǵan
Foto: Mańǵystaý oblystyq tarıhı-ólketaný mýzeıi

Ámııannyń sıpattamasy: Ámııan — qońyr tústi, adamnyń terisinen jasalǵan. Іshi 4 bólikten turady. Bir bóliginiń aýzy teriden jasalǵan japqyshqa kıgiziledi. Teri japqysh kıgizilgen eki bóliktiń arasyn jibek mata bólip tur. Al oǵan qarsy eki bóliktiń arasy terimen bólingen. Ámııannyń jan-jaǵy jippen tigilgen, tiginen eki jaǵyna qaraı ashylady.

n
Foto: Mańǵystaý oblystyq tarıhı-ólketaný mýzeıi

Buǵan deıin, Aqtaýda jer asty qoqys jáshikterine qatysty baıqaý toqtatylǵany týraly jazǵan bolatynbyz.

Сейчас читают