Mańǵystaýda Munaıly aýdanynda esirtkiniń úlken partııasy tárkilendi
AQTAÝ. KAZINFORM – «Qarasora» jedel-izdestirý is-sharasy barysynda, Munaıly aýdanyndaǵy turǵyn úılerdiń birinen iri kólemde esirtki zattary tabylyp, tárkilengen.
Polıtseıler tintý kezinde úıdiń aýlasynan jáne ishinen eki túp qarasora, alty paket marıhýana, úsh paket sıntetıkalyq esirtkige uqsas zat, sondaı-aq esirtki quraldaryn ólsheıtin tarazy men býyp-túıýge arnalǵan qaltashalar tapqan.
Atalǵan derek boıynsha QR Qylmystyq kodeksiniń 297-babynyń 1-bóligine sáıkes (esirtki, psıhotroptyq zattardy ótkizý maqsatynda zańsyz ıemdený, saqtaý, tasymaldaý, jóneltý nemese ótkizý) qylmystyq is qozǵaldy.
- Barlyq tabylǵan zattar aıǵaq retinde rásimdelip, sot-saraptamalyq zertteýge jiberildi. Qazirgi tańda sotqa deıingi tergeý amaldary júrgizilýde. Kúdikti ýaqytsha ustaý ızolıatoryna qamaldy. Qylmystyq is Mańǵystaý oblystyq Polıtsııa departamentiniń baqylaýynda, - delingen habarlamada.
Buǵan deıin, Tarazda esirtkige qarsy iri operatsııa ótkizilip, jasyryn zerthana joıylǵan bolatyn.