Mańǵystaýda munaı kompanııasynyń qyzmetkerin avtobýs qaǵyp, qaza boldy
ASTANA. KAZINFORM — Mańǵystaý oblysynda munaı óndirýshi kompanııanyń qyzmetkeri avtobýs astyna túsip, qaza tapty. Oqıǵaǵa baılanysty polıtsııa qylmystyq is qozǵady. Avtobýs arnaıy turaqqa qoıyldy, dep habarlaıdy Kazinform agenttiginiń tilshisi.
Qaıǵyly oqıǵanyń vıdeosy jergilikti áleýmettik jelilerde tarady.
Jazbadaǵy málimetke sáıkes, vahtalyq avtobýs dóńgeleginiń astynda «Mańǵystaýmunaıgaz» AQ qyzmetkeri qaza tapqan. Kompanııa bul oqıǵanyń bolǵanyn rastady.
Mańǵystaý oblystyq Polıtsııa departamentiniń baspasóz qyzmetiniń málimetinshe, jol-kólik oqıǵasy 6 qarashada Aqtaý — Qalamqas avtojolynda bolǵan.
— «DAEWOO» markaly avtobýstyń júrgizýshisi jaıaý júrginshini qaǵyp ketken. Alǵan jaraqattarynan ol oqıǵa ornynda kóz jumdy. Atalǵan derek boıynsha qylmystyq is qozǵaldy. Avtobýs arnaıy turaqqa qoıyldy, — dep habarlady vedomstvo.
Polıtsııa qazirgi ýaqytta qajetti tergeý amaldary júrgizilip, oqıǵanyń barlyq mán-jaıy anyqtalyp jatqanyn málimdedi.
Eske salaıyq, buǵan deıin Tekelide ekskavator 11 jastaǵy qyzdy qaǵyp, ol oqıǵa ornynda qaza tapqan bolatyn.
