Mańǵystaýda munaı-gaz kompanııasynyń basshylary 261 mln teńge jymqyrǵany úshin sottaldy
AQTAÝ. KAZINFORM – Ótken jyly Mańǵystaý oblysynyń prokýratýrasymen munaı-gaz kásiporyndarynda tekserý júrgizildi. Tekserý nátıjesi boıynsha «West Oil Software» JShS qyzmetinde materıaldyq qamtamasyz etý salasyndaǵy buzýshylyqtar anyqtalyp, sotqa deıingi tergep-tekserý bastalǵan.
Tergeý aıasynda kásiporynda negizgi basshylyq qyzmetterdi atqarǵan 3 adam ustaldy.
Sot sheshimimen barlyq tulǵa kináli dep tanylyp, ártúrli jaza túri taǵaıyndaldy.
Atap aıtqanda, kásiporyn basshylarynyń biri bıýdjet qarajatyn urlaǵany úshin sot úkimimen kináli dep tanylyp, 3 jyl 2 aıǵa bas bostandyǵynan aıyryldy. Sottyń qylmystyq isti máni boıynsha qaralý barysynda, sottalǵandar 261 mln teńge kóleminde shyǵyndy ótegen.
Buǵan deıin, Mańǵystaýda «Oil Services Company» kompanııasy bas dırektorynyń orynbasary 7 jylǵa sottalǵan bolatyn.