Mańǵystaýda merekege oraı 10 otbasyǵa páter berildi
AQTAÝ. KAZINFORM - Naýryz meıramy qarsańynda Mańǵystaý oblysyndaǵy Munaıly aýdanynda turǵyndarǵa 10 páterdiń kilti tabystaldy.
Atalǵan baspanalar aýdanǵa qarasty Mańǵystaý aýylyndaǵy kópqabatty turǵyn úılerde ornalasqan. Berilgen páterlerde tolyqtaı jóndeý jumystary júrgizilip, barlyq kommýnıkatsııa jelilerimen tolyq qamtylǵan.
Jańa baspanalar, ata-ana qamqorlyǵynsyz qalǵan balalarǵa, áleýmettik jaǵynan osal toptaǵy azamattarǵa, kópbalaly otbasylarǵa berilip otyr.
«Barsha baspana ıelerin shyn júrekten quttyqtaımyn! Ár shańyraqqa qut, bereke kirsin! Sizder bul kúndi kóp kúttińizder! Naýryz meıramy qutty bolsyn», - dedi aýdan ákimi Erjan Kúmisqalıev.
Sonymen qatar Munaıly aýdany ákimdiginiń baspasóz qyzmeti alda otbasylardy turǵyn úımen qoldaýdyń keshendi jospary áli de jalǵasatyn málimdedi.
