Mańǵystaýda mektep oqýshysy 200 myń dollarlyq bilim grantyna ıe boldy
AQTAÝ. KAZINFORM - Aqtaýdaǵy №13 gımnazııanyń 11-synyp oqýshysy Dılıara Sapar Shanhaıdaǵy Nıý-Iork ýnıversıtetiniń (Qytaı men Nıý-Iork ýnıversıteti arasyndaǵy yntymaqtastyqta qurylǵan alǵashqy halyqaralyq qytaı-amerıkan ýnıversıteti) grantyna qol jetkizdi.
Óńirdiń bilim basqarmasynyń málimetinshe, aqtaýlyq jasóspirim úzdik attestatqa úmitker atanǵan. Ol sheteldik oqý ordalarynyń bilim grantyna úmitker retinde óz múmkindigin synap kórý kezinde áleýetin tolyq kórsete aldy.
Nıý-Iork ýnıversıteti álemde bedeldi Times Higher Education University Rankings boıynsha 30-shy orynda turǵan deńgeıi joǵary oqý orny sanalady.
Ýnıversıtet 19 túrli mamandyqty oqytatyn bolsa, aqtaýlyq oqýshy Dılıara Sapar bıznes jáne ekonomıka salasyn tańdap otyr.
Sondaı-aq, grant somasy 208.000 AQSh dollar dollaryn quraıdy. Aıta ketetin jaıt, ýnıversıtetke bıyl 50 myńǵa jýyq úmitker qujat tapsyrǵan. Al bakalavr boıynsha tek 1400 stýdent oqýǵa qabyldanady.
Olardyń jartysy Qytaı elinen bolsa, qalǵan bóligi Amerıka Qurama Shtattarynan jáne 70-ke jýyǵy ózge elderden kelip oqıdy.
