Mańǵystaýda mektep oqýshylary tóbelesip, bir bala aýrýhanaǵa tústi
AQTAÝ. KAZINFORM – Oqıǵa Munaıly aýdany nómiri 12-jalpy bilim beretin mektepte bolǵan. Tóbelestiń saldarynan 8-synyp oqýshy zardap shegip, oblystyq balalar aýrýhanasynyń travmatologııa bólimine jatqyzylǵan.
Zardap shekken oqýshynyń anasynyń aıtýynsha, synyptastar arasyndaǵy janjal byltyr qazan aıynda bastalǵan. Alaıda mektep ákimshiligi tıisti sharalar qoldanbaǵan.
Mańǵysttaý oblystyq densaýlyq saqtaý basqarmasy baspasóz qyzmetiniń habarlaýynsha, jasóspirimniń jaǵdaıy jaqsy. Sondyqtan búgin, 12-mamyr kúni aýrýhanadan shyǵarý josparlanǵan.
Osy oqıǵadan keıin mektepte zardap shekken oqýshynyń anasymen, mektep ákimshiligimen, polıtsııa qyzmetkerlerimen jáne dárigerlermen kezdesý ótken. Nátıjesinde bilim berý uıymynda oqýshylar arasynda qaqtyǵystar men býllıng qaıtalanyp otyratyny, biraq olar ishki ister organdaryna jetkizilmeıdigi anyqtalǵan.
Mańǵystaý oblystyq bilim basqarmasynyń habarlaýynsha, tóbelesken oqýshylardyń ata-analaryna aıyppul salynǵan.
- Mektep ákimshiligi tarapynan tóbelesken jasóspirimder men olardyń ata-analaryna profılaktıkalyq psıhologııalyq jumystar júrgizildi jáne ata-analaryna Qazaqstan Respýblıkasynyń ákimshilik quqyqbuzýshylyq týraly Kodeksiniń 435 baby boıynsha aıyppul salyndy. Sonymen qatar, bul oqýshylardyń is-áreketi Munaıly aýdany ákimi janyndaǵy kámelet jasyna tolmaǵandardyń isi boıynsha arnaıy komıssııada qaralatyn bolady. Al, bilim basqarmasy qyzmettik tekserý júrgizedi, - delingen habarlamada.
SQO-da býllıng týraly habarlamaǵany úshin úsh mekteptiń dırektory men muǵalim jazalanǵany týraly jazdyq.