Mańǵystaýda mektep ashanalarynan óreskel zań buzýshylyqtar anyqtaldy

AQTAÝ. KAZINFORM — Densaýlyq saqtaý mınıstrligi Premer-Mınıstrdiń tapsyrmasy boıynsha, Mańǵystaý oblysyndaǵy mektep ashanalaryna aýqymdy tekserý júrgizgen. Sonyń nátıjesinde, arnaıy komıssııa 66 ashananyń 65-de sanıtarlyq normalardyń múlde saqtalmaǵanyn anyqtady.

— Tekserý qorytyndysyna sáıkes, 57 nysanǵa jalpy somasy — 18 mıllıon teńgeden astam aıyppul salynyp, 60 uıǵarym berildi. Oǵan qosa, 62 qyzmetker jumystan shettetildi. Al, bir materıal sotqa jiberildi, — delingen habarlamada. 

Eske salaıyq, byltyr 6 qyrkúıekte Munaıly aýdany Besshoqy aýylyndaǵy nómiri 8 mekteptiń ashanasynda astan ýlaný deregi tirkeldi. Bas-aıaǵy 460 oqýshy aýyryp, aýrýhanaǵa jatqyzyldy. Quzyrly organdar tekserý nátıjesinde mektep ashanasynan ishek bakterııalaryn anyqtady. 12 qyzmetkerden stafılokokk bakterııasy tabyldy. Ydys jýýshy áıel dızenterııany tasymaldaýshy bolyp shyqty. 

Buǵan deıin, Mańǵystaýda júzdegen bala ýlanyp, mektep ashanasy jabylǵany týraly jazǵan bolatynbyz.

Mańǵystaýda 460 oqýshy ýlanǵan mektep ashanasynyń meńgerýshisine sot úkimi shyqty.