Mańǵystaýda Quryq aýylynda jappaı tóbelesken jasóspirimder ustaldy
AQTAÝ. KAZINFORM — Oqıǵa 22 shilde kúni bolǵan. Jelide qoldaryna taıaq ustap, bir-birine pırotehnıkalyq jarylǵysh zattarǵa uqsas nárselerdi laqtyryp, jappaı tóbelesken balalardyń beınejazbasy tarady. Osy oqıǵa boıynsha oblystyq polıtsııa departamenti buzaqylyqqa qatysy bar jasóspirimderdiń barlyǵyn ustap, qylmystyq is qozǵaǵan.
— Qaqtyǵysqa qatysqandardyń barlyǵy anyqtalyp, ata-analarymen birge ishki ister bólimine jetkizildi. Tekserý nátıjesinde ata-analarǵa Ákimshilik Qylmystyq kodekstiń 127-baby («Kámeletke tolmaǵan balany tárbıeleý jónindegi mindetterdi oryndamaý») jáne 434-baby («Usaq buzaqylyq») boıynsha ákimshilik hattamalar toltyryldy. Sonymen qatar Qylmystyq kodekstiń 293-baby («Buzaqylyq») boıynsha qylmystyq is qozǵaldy. Materıaldar sheshim qabyldaý úshin sotqa joldandy, — delingen habarlamada.
Barlyq jasóspirim profılaktıkalyq esepke qoıylǵan. Polıtseıler bul oqıǵaǵa alańdaýshylyq tanytyp otyr. Óıtkeni, sońǵy kezde jastar arasynda tóbeles kóbeıgen.
Buǵan deıin, Mańǵystaý oblysynda mekteptiń akt zalynyń tóbesi qulaǵany týraly jazǵan edik.