Mańǵystaýda quny 870 mln teńgelik 50 gektar jer memleket menshigine ótti
ASTANA. KAZINFORM — Kólik prokýratýrasy memleketke quny 870 mln teńge 50 gektar jerdi qaıtarǵany belgili boldy.
Mańǵystaý kólik prokýratýrasy áýe aımaq mańyndaǵy aýmaqta qatty turmystyq qaldyqtar polıgonyn ornalastyrý úshin zańsyz berilgen jer ýchaskesin anyqtady.
— Jer zańnamasyn buza otyryp, bul ýchaske 10 jyldan astam ýaqyt boıy óziniń nysanaly maqsaty boıynsha paıdalanylmaǵan. Prokýrorlyq qadaǵalaý aktisi boıynsha kadastrlyq quny 870 mln teńgeni quraıtyn jer memleket menshigine qaıtaryldy, — delingen habarlamada.
Vedomstvo memlekettik múddelerdi qorǵaýdy jáne ushý qaýipsizdigin qamtamasyz ete otyryp, áýe mańyndaǵy aımaqtardaǵy buzýshylyqtardy anyqtaý jumystaryn jalǵastyrady.
Budan buryn Jetisý oblysynda quny 237 mln teńgeden asatyn jer memleketke qaıtarylǵanyn jazǵanbyz.
