Mańǵystaýda quny 175,7 mln teńgeniń jer ýchaskeleri memleketke qaıtaryldy
AQTAÝ. KAZINFORM – Mańǵystaý oblysynyń mamandandyrylǵan tabıǵat qorǵaý prokýratýrasy júrgizgen tekserýden soń memleket paıdasyna 226,6 mln teńge óndirildi.
Óńirlik qadaǵalaý organy keń taralǵan paıdaly qazbalardy óndiretin 118 jer qoınaýyn paıdalanýshynyń kelisimsharttyq jáne lıtsenzııalyq mindettemelerin zerdeledi. Zań buzýshylyqtarǵa jol bergen tulǵalarǵa qatysty prokýrorlyq qadaǵalaý sharalary qoldanyldy.
Sonymen birge sot sheshimderi negizinde eki jer qoınaýyn paıdalanýshymen jasalǵan kelisimsharttar joıyldy. Kadastrlyq quny 175,7 mln teńgeni quraıtyn eki jer ýchaskesi memleket menshigine qaıtaryldy.
Prokýratýra bul salada memleket múddesin qorǵaý baǵytyndaǵy jumysty odan ári jalǵastyrady.
Osyǵan deıin Qostanaı oblysynda quny 68 mln teńge bolatyn 3 myń ga jer memleketke qaıtarylǵany týraly jazdyq.
