Mańǵystaýda qumar oıyndarǵa qatysty eki júzden astam is qozǵaldy
AQTAÝ. KAZINFORM — Mańǵystaýda zańsyz oıyn bıznesine qarsy is-qımyl keshendi jospar aıasynda 2,5 myń oıyn termınaly joıyldy.
Oblystyq ekonomıkalyq tergep-tekserý departamenti basqarmasynyń basshysy Marat Balgazınniń aıtýynsha, sońǵy úsh jylda zańsyz oıyn bıznesin uıymdastyrǵan 30- dan astam adam qylmystyq jaýapkershilikke tartylǵan. Sondaı-aq, 11 qylmystyq top quryqtaldy.
«Qazirgi ýaqytta oıyn avtomattarynyń jasyryn qyzmetine qatysty birer derekter kezdesedi. Alaıda olardyń da kúni taıaý, sebebi uıaly baılanys operatorlarynyń SIM kartalary arqyly oıyn avtomattaryn qashyqtan óshirý mehanızmi iske asyrylyp bastady. Sondaı-aq, jasyryn kazınolardyń qyzmetine qarsy kúres júıeli júrgizilip keledi. Jyl saıyn shamamen 30-40 derek anyqtalady. Al, atalǵan máselege qatysty 500-den astam is qozǵalyp, 2,5 myń oıyn termınaly joıyldy. Barlyǵy 200 is qozǵalyp, poker ústeli, rýletka jáne basqa da qural-jabdyqtar túrinde 4 myńnan astam zatty tárkiledik», — dedi Marat Balgazın qoǵamdyq kommýnıkatsııa ortalyǵynda ótken brıfıngte.
Býkmekerlik keńselerdiń saıtyna tirkelý úshin tek telefon nómiri talap etiledi. Sondaı-aq jalǵan tulǵalar atynan shot ashý, sonyń ishinde olardy bógde adamdarǵa qaıta satý táýekelderi bar ekenini atap ótken jón. Departament basshysynyń asa mańyzdy ister jónindegi jedel ýákili Temirlan Naýryzbaı másele boıynsha mán-jaıdy atap ótti.
«Zaı boıynsha tym salynǵanymen býkmekerlik keńselerde 180 myńǵa jýyq jas 36 mlrd teńge kóleminde bás tikken. Oıyn bıznesin uıymdastyrýshylar úshin oıynshylardyń arnaıy saıttarda kedergisiz tirkelip, múmkindiginshe qomaqty qarjy jumsaýy asa mańyzdy. Sondyqtan oıynshy qarajatty kimnen jáne qandaı jolmen tabatyny olardy múldem qyzyqtyrmaıdy. Kámeletke tolmaǵan jasóspirimder termınaldar arqyly oıyn shottaryn qolma-qol aqshamen anonımdi túrde toltyra alady. Kópshilik jasóspirimder aqshany qaıdan alady degen saýaldy jıi qoıady. Bul — barshaǵa ortaq ózekti másele. Kámeletke tolmaǵandarǵa onlaın nesıe rásimdep, keıin mindettemelerdi ata-ana moınyna júkteıtin mıkroqarjy uıymdarynyń jumysyna kópshilik narazy, — dedi Temirlan Naýryzbaı.
Osydan 4 jyl buryn dúkenderde, saýda ortalyqtarynda jáne kompıýterlik klýbtarda ornalasqan oıyn avtomattary qyzmet etken bolatyn. Alaıda sońǵy kezderi jaǵdaı kúrt ózgergeni baıqalady.
