Mańǵystaýda Qulaly aralynan 30-dan astam ólgen ıtbalyq tabyldy

AQTAÝ. KAZINFORM – Bul týraly «Qazaq balyk» Respýblıkalyq balyq sharýashylyǵy jáne akvamádenıet qaýymdastyǵynyń Mańǵystaý oblysy boıynsha fılıalynyń dırektory Danııar Ákimjanov habarlady. Tabıǵat janashyry ári, volonter mamandardy shaqyryp, Qulaly aralynda monıtorıng jumystaryn uıymdastyrǵan.

Monıtorıngke quzyrly organ ókilderi men gıdrobıologııa jáne ekologııa ınstıtýtynyń mamandary qatysqan. Olar jaǵalaýdyń birneshe shaqyrymyn jaıaý júrip ótip, nátıjesinde 37 ıtbalyq óleksesin tapqan. Onyń ishinde 7 ıtbalyqtan tıisti synamalar alynǵan.

Monıtorıng jumystaryna 2 shaǵyn kólemdi keme jáne UQK Shekara qyzmeti Mańǵystaý oblystyq departamenti jaǵalaý kúzetiniń 2-dıvızıonyna qarasty jyldam júretin kater jumyldyrylǵan.

Buǵan deıin, Mańǵystaýda teńiz jaǵalaýynan 200-ge jýyq ıtbalyq óleksesi tabylǵanyn jazǵan bolatynbyz.