Mańǵystaýda qýaty 150 mln tekshe metrlik jańa gaz jobasy iske qosyldy
ASTANA. KAZINFORM – Mańǵystaý oblysyndaǵy Tasbolat ken ornynda jańa gaz jobasy iske qosyldy.
Joba Memleket basshysynyń Joldaýynda belgilengen tapsyrmalar aıasynda «Tasbýlat Oıl Korporeıshn» JShS-niń bastamasymen, QR Energetıka mınıstrliginiń úılestirýimen jáne ulttyq kompanııalar men salalyq seriktesterdiń qatysýymen júzege asyrylýda.
Jobanyń negizgi maqsaty – energetıkalyq táýelsizdikti nyǵaıtý, ishki resýrstyq bazany keńeıtý jáne óńirlerdiń áleýmettik-ekonomıkalyq damýyn qamtamasyz etý.
Alǵashqy kezeńde gaz óndirý kólemi jylyna shamamen 50 mln tekshe metrdi quraıdy. Bolashaqta bul kórsetkish 150 mln tekshe metrge deıin ulǵaıady. Shıkizat «Qazaqgaz óńdeý zaýyty» JShS qýattylyqtarynda óńdelip, «QazaqGaz» UK» AQ-ǵa jetkizilmek.
Joba «QazaqGaz» UK» AQ, «QazMunaıGaz» UK» AQ jáne «Qazaq gaz óńdeý zaýyty» JShS-niń birlesken yntymaqtastyǵy arqasynda júzege asty.
Energetıka mınıstrligi jobanyń barlyq kezeńin tikeleı qoldap, úılestirip otyrady.
Jobanyń iske qosylýy óńirdiń ónerkásiptik áleýetin arttyryp, jańa jumys oryndaryn ashýǵa jáne halyqty qoljetimdi energııa resýrstarymen qamtamasyz etýge jol ashady. Jaqyn arada Qyzylorda jáne Atyraý oblystarynda da osyǵan uqsas jobalardy iske qosý josparlanyp otyr. Bul qadam gaz óndirý men óńdeý kólemin aıtarlyqtaı arttyrýǵa múmkindik beredi.
Aıta keteıik, Mańǵystaý oblysynda ınvestıtsııalyq jobalarǵa baqylaý kúsheıedi.