Mańǵystaýda QR PІB Medıtsınalyq ortalyǵynyń dárigerleri tegin qabyldaý júrgizdi
AQTAÝ. KAZINFORM – Aımaqqa Qazaqstan Respýblıkasy Prezıdenti Іs Basqarmasy Medıtsınalyq ortalyǵynyń bir top dárigeri keldi. Densaýlyq saqtaý salasynyń 2023-2025 jyldarǵa arnalǵan tujyrymdamasyn júzege asyrý maqsatynda, joǵary sanatty dárigerler turǵyndarǵa tegin keńes berip, operatsııalar jasaýda.
- Birinshi kúni turǵyndardy qabyldap, jaǵdaıy kúrdeli 10 naýqasty qarap-tekserdim. Sondaı-aq bilgenimdi bólisip, keńeıtilgen dáris ótkizdim. Oǵan 57 adam qatysty. Ekinshi kúni de naýqastarǵa keńes berip, kúrdeli klınıkalyq jaǵdaıdaǵy 15 naýqasty qabyldadym, - deıdi QR PІB MO aýrýhanasy dırektorynyń strategııalyq damý, ǵylym jáne bilim jónindegi orynbasary Nasrýlla Shanazarov.
- Mańǵystaý oblys ákimdigi men QR PІB MO aýrýhanasy arasynda ózara yntymaqtastyq týraly memorandým bar. Aımaq turǵyndarynyń suraýyn eskere otyryp osy memorandýmnyń aıasynda, QR PІB Medıtsınalyq ortalyǵy aýrýhanasynyń bir top dárigeri bıyl da bir aptalyq tájirıbe almasý jáne medıtsınadaǵy úzdik zamanaýı ádisterimen bólisý úshin arnaıy keldi. Óńir turǵyndary bilikti medıtsına mamandarynan tegin keńes pen em ala alady,- dedi Almaty qalasyndaǵy Ulttyq gospıtal ortalyǵynyń pýlmonolog dárigeri Bıbinur Rahmetova
Búgin «QR Prezıdenti Іs basqarmasy Medıtsınalyq ortalyǵy aýrýhanasynyń» bas onkolog dárigeri Nazar Seıdalın oblystyq onkologııalyq dıspanserde kúrdeli operatsııa jasady. Kóktamyrǵa qoljetimdilikti qamtamasyz etý úshin port júıelerin ımplantatsııalaý boıynsha operatsııa sátti shyqqan. Bul ota jergilikti onkohırýrgtar úshin tájrıbe almasý jáne sheberlik sabaǵy retinde de paıdaly boldyi.
