Mańǵystaýda kolledj esepshisi 243 mln teńgeni jeke shotyna aýdarǵan

ASTANA. KAZINFORM — Mańǵystaý oblysynyń prokýratýrasy tehnıkalyq kolledjdiń qyzmetine tekseris júrgizdi.

Tekseris nátıjesinde bas býhgalterdiń 243 mln teńge kóleminde is-sapar, shákirtaqy jáne salyq mindettemeleri úshin kózdelgen qarajatty óziniń jeke shotyna zańsyz aýdarý arqyly bıýdjet qarajatyn jymqyrý faktisi anyqtaldy.

Bul fakti boıynsha QK-niń 189-baby 4-bóligi 2-tarmaǵymen qylmystyq is qozǵalyp, arnaıy prokýrorlar sotqa deıingi tergep tekserý júrgizdi.

— Mańǵystaý aýdandyq sotynyń 2025 jylǵy 9 shildedegi úkimimen kolledjdiń bas esepshisi QK-niń 189-baby 4-bóliginiń 2-tarmaǵymen 5 jyl merzimge bas bostandyǵynan aıyrý jazasy taǵaıyndalyp, 10 jyl merzimge býhgalterlik qyzmetpen aınalasý quqyǵynan aıyryldy, — delingen vedomstvo habarlamasynda.

Budan buryn Kólik vıtse-mınıstri para aldy degen kúdikpen ustalyp, sot sanktsııasymen qamaýǵa alyndy.