Mańǵystaýda kólik-logıstıka salasy 8,5%-ǵa ósti
ASTANA. KAZINFORM — Teńiz jáne qurlyq dálizderi arqyly júk tasymaly kóleminiń ulǵaıýy nátıjesinde kólik qyzmetteri 8,5%-ǵa ósip, 272,6 mlrd teńge boldy. Bul týraly Úkimettiń baspasóz qyzmeti habarlady.
Mańǵystaý oblysynyń qolaıly geografııalyq jaǵdaıy jáne teńiz porttarynyń bolýy onyń tranzıttik tasymaldardy damytýdaǵy erekshe rólin aıqyndaıdy. Teńiz jáne qurlyq dálizderi arqyly júk tasymaly kóleminiń ulǵaıýy nátıjesinde kólik qyzmetteri 8,5%-ǵa ósip, 272,6 mlrd teńge boldy.
Port ınfraqurylymynyń júktemesin odan ári arttyrý, Transkaspıı halyqaralyq kólik baǵytyn damytý jáne temirjol, avtomobıl men teńiz tasymaldary arasyndaǵy baılanystardy nyǵaıtý aıryqsha mańyzǵa ıe.
Іshki saýdada da oń kórsetkishter baıqaldy. Onyń aınalymy 500 mlrd teńgege jetip, naqty mánde 3,3%-ǵa ósti. Aýyl sharýashylyǵynyń jalpy óniminiń kólemi 17,8 mlrd teńgeni qurady. Ótken jyldyń birinshi jartyjyldyǵymen salystyrǵanda kórsetkish 1,9%-ǵa ósti.
Aıta ketelik Mańǵystaýda óńdeý ónerkásibi 39%-ǵa ósken edi.
