Mańǵystaýda qyzylshaǵa qarsy 7000-ǵa jýyq adam vaktsına aldy
Mańǵystaýda qyzylshanyń epıdemıologııalyq ahýalyn turaqtandyrý maqsatynda 13 qarashadan bastap jappaı ımmýndaý jumystary júrgizilip jatyr. Osy baǵytta bir aıda 6 903 adam ekpe alǵan. Bul týraly Mańǵystaý oblystyq sanıtarııalyq-epıdemıologııalyq baqylaý departamentiniń basshysy Gúlnar Kórkinbaeva málim etti, dep habarlaıdy Kazinform.
13 qarashadan bastap qyzylshaǵa qarsy jappaı ımmýndaý jumystary 6 aıdan bastap 10 aı 29 kúnge deıingi, 2 jastan bastap 4 jas 10 aı 29 kúnge deıingi balalarǵa jáne medıtsına qyzmetkerlerine júrgizilip jatyr. Osyǵan baılanysty jappaı ımmýndaý boıynsha bir aıda 6 903 adam vaktsına alǵan.
- Búginge deıin oblystaǵy 181 mekteptiń 62-sinde qyzylsha juqpasymen 169 bala, mektepke deıingi 367 balabaqshanyń 72-sinde 99 bala aýyrdy. Aqtaý qalasy boıynsha 33 balabaqshadan 39 naýqas tirkelse, Jańaózen qalasynda 20 balabaqshadan - 38 naýqas, Munaıly aýdanynda 12 balabaqshadan 15 bala aýyryp jatyr. Al óńirdegi 54 mekteptiń 20-synda 25 oqýshy aýyrǵan, - dedi Gúlnar Kórkinbaeva.
