Mańǵystaýda Qyzylsaı aýylynda balabaqshada balalar astan ýlandy

AQTAÝ. KAZINFORM – Jańaózen qalasyna qarasty Qyzylsaı aýylynda balabaqshalardyń biriniń tárbıelenýshileri jappaı astan ýlanǵan. Derek boıynsha 37 bala ózderin jaısyz sezingen, keıbireýi aýrýhanaǵa jatqyzylǵan.

Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, dárigerlerdiń kómegine 37 bala júgingen. 

- Jedel-járdem qyzmetine Jańaózen qalasyna qarasty Qyzylsaı aýyly turǵyndarynan 31 qańtar kúni saǵat 20:13 te shaqyrý túsken. Olar ish tusynyń aýyrsynýyna shaǵymdanǵan. Jedel-járdem qyzmetkerleri turǵyndardy tekserip shyqqan. Dárigerdiń kómegine júgingen 37 adamnyń tórteýi, bir eresek pen 3 bala aýrýhanaǵa jatqyzyldy. Qalǵandary ambýlatorlyq em alýǵa úılerine jiberildi. Qazir balabaqsha jabyq. Quzyrly organdar tekserý júrgizip jatyr, - delingen habarlamada. 

Aıta keteıik, buǵan deıin Mańǵystaýda Munaıly aýdanynda 500 ge jýyq oqýshy mektep ashanasynda kartop ezbesin jep ýlanǵan edi. 

Sondaı-aq Mańǵystaýda astan ýlanǵan oqýshylardyń isine qatysty sotta tyń derekter shyqty.