Mańǵystaýda qytaılyqtarǵa jumys isteýge «ruqsat bergen» laýazym ıesi qamaýǵa alyndy
AQTAÝ. KAZINFORM — Aqtaýda oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary para aldy degen kúdikke ilindi. Sybaılas jemqorlyqqa qarsy is-qımyl agenttiginiń resmı ókili Danııar Begaıdarovtyń málimdeýinshe, laýazymdy tulǵaǵa qatysty sotqa deıingi tergeý júrgizilip jatyr.

— Ol aımaqtaǵy munaı kompanııalarynda Qytaı Halyq Respýblıkasynyń 8 azamatynyń eńbek qyzmetin júzege asyrýǵa ruqsat bergeni úshin, kásipkerlerden jalpy somasy 3,6 mln teńge para aldy dep kúdikke ilindi. Tergeý sotynyń sanktsııasymen kúdikti qamaýǵa alyndy. Tergeý jalǵasyp jatyr, — deıdi agenttiktiń resmı ókili.
Buǵan deıin, Aqtaýda sý tuşytý zaýyty eki ese kóp aýyz sý óndire bastaǵany týraly jazǵan bolatynbyz.
Jambyl oblysynda «Qazaqtelekom» basshylaryna qatysty tergeý aıaqtaldy.
Astanadaǵy «Elorda Qurylys Kompanııasy» bóliminiń basshysy 10 jylǵa sottaldy.