Mańǵystaýda «Kezbı» munaı-servıs kompanııasynyń dırektory 10 jylǵa sottaldy

AQTAÝ. KAZINFORM — «ÓzenMunaıGaz» aktsıonerlik qoǵamynyń merdiger kompanııasy «Kezbı» JShS munaı-servıstik kompanııasynyń dırektory Erjan Kezbaev asa iri kólemde senip tapsyrylǵan múlikti ıemdenip, salyq tóleýden jaltarǵany úshin, 10 jylǵa bas bostandyǵynan aıyryldy.


Sonymen qatar, sot úkimimen oǵan 10 jyl boıy munaı-gaz salasynda basshylyq qyzmet atqarýǵa tyıym salyndy.
Sot sheshimi boıynsha Erjan Kezbaevtan «ÓzenMunaıGaz» kompanııasynyń paıdasyna 321 mıllıon teńgeden astam qarajat óndiriledi. Sondaı-aq, ol Mańǵystaý oblysy boıynsha Memlekettik kirister departamentine 1,5 mıllıard teńge tóleýge mindetteldi.

Buǵan deıin, Mańǵystaýda «Kezbı» kompanııasynyń dırektoryna qatysty tergeý aıaqtalyp, sotqa joldanǵanyn jazǵan bolatynbyz.