Mańǵystaýda «Kezbı» kompanııasynyń dırektoryna qatysty tergeý aıaqtalyp, sotqa joldandy

AQTAÝ. KAZINFORM – Kompanııa basshysy 1,5 mlrd teńge jymqyrdy dep aıyptalyp otyr.

Qarjylyq monıtorıng agenttigi oblystyq prokýratýranyń tekserý nátıjesimen bastalǵan óńirdegi asa iri mólsherde aqshalaıqarajatty urlaý faktisi boıynsha «Kezbı» JShS basqarýshy dırektory E.B.Kezbaevqa qatysty júrgizilgen qylmystyq isi aıaqtalyp, prokýratýramen sotqa joldaǵan.

Kúdiktiniń «ÓzenMunaıGaz» AQ tarapynan JShS qyzmetkerleriniń áleýmettik jaǵdaıyn jaqsartýǵa bólingen 1,5 mlrd teńgeni jymqyrǵany anyqtaldy. Qarajat ózara baılanystaǵy kásiporyndar arqyly shyǵarylyp, qarjylaı kómek túrinde aýdarylǵan.

Bul rette, kúdikti aqshanyń bir bóligin balalarynyń joǵary oqý oryndaryndaǵy oqý aqysyn tóleýge paıdalanǵan.

Tergeý barysynda 1,5 mlrd teńge mólsherinde áleýmettik salyqty jáne jeke tabys salyǵyn tólemeý faktisi anyqtaldy. Qarjylyq tergeý barysynda kúdiktiniń 700 mln teńgeden astam múlki anyqtaldy, atap aıtqanda: quny 576 mıllıon teńgege jýyq 4 jer ýchaskesi, 113 mıllıon teńgeniń jeke jer ýchaskesi bar 2 qabatty úıi, 15,5 mln teńge turatyn eki avtokólik quraly anyqtaldy.

Sot tárkileýdi qamtamasyz etý maqsatynda atalǵan múlikke tyıym saldy.

Aıyptalýshyǵa qatysty qamaýda ustaý túrindegi bultartpaý sharasy tańdalǵan.

«Kezbı» kompanııasy 321 mln teńge jymqyryp, 1,5 mlrd teńge salyq tóleýden jaltarǵanyn jazǵan bolatynbyz.