Mańǵystaýda ken oryndarynyń aýmaǵynan ıtbalyqtar tabylyp jatyr
AQTAÝ. KAZINFORM — Bul týraly táýelsiz ekolog Baqytgúl Jaqsylyqova habarlady.
Onyń aıtýynsha, sońǵy kúnderi aýa raıynyń qatty sýytýyna baılanysty, teńizde muz qatyp, keıbir ıtbalyqtar muzdyń ústimen júrip, Túpqaraǵan aýdanyndaǵy Qarajanbas ken orny aýmaǵynan shyǵyp jatyr. Atalǵan kompanııanyń ekologtary ıtbalyqtardy óz kúshterimen teńizge qaıtarý boıynsha jumystanǵan.
— Kaspıı ıtbalyǵy Qyzyl kitapqa engen janýar bolǵandyqtan, mundaı jaǵdaıda quzyrly, ýakiletti organdar (polıtsııa, balyq qorǵaý ınspektsııasy, jergilikti atqarýshy organ) ókilderi shuǵyl túrde sý janýaryn mekendeý ortasyna jetkizý kerek. Ol úshin shuǵyl túrde komıssııamen teńiz jaǵalaýyn tekserip shyǵyp, ár tabylǵan ıtbalyq boıynsha akt toltyryp, foto, beıne jazba jasap, qutqarý jumystaryn atqarýdy usynamyz, — deıdi tabıǵat janashyry, «Eko-Lıder» volonterlik klýbynyń jetekshisi Baqytgúl Jaqsylyqova.
Itbalyqtar Bozashy ken orny aýmaǵynan da anyqtalǵan.
Buǵan deıin, Kaspıı ıtbalyǵynyń 90 paıyzǵa azaıyp ketkeni týraly jazǵan bolatynbyz.