Mańǵystaýda «KazAzot» zaýytyndaǵy oqys oqıǵadan jumysshylar zardap shekti

AQTAÝ. KAZINFORM – Bul týraly  «KazAzot» kompanııasy resmı málimet taratty. 

– 2025 jylǵy 18 shildede «KazAzot» AQ aýmaǵynda tótenshe jaǵdaı bolyp, sonyń saldarynan kompanııa qyzmetkerleri zardap shekti. Bul – biz úshin óte aýyr jaǵdaı. «KazAzot» AQ zardap shekken qyzmetkerler men olardyń jaqyndaryna shyn júrekten kóńil aıtyp, janashyrlyq pen qoldaý bildiredi. Oqıǵa bolǵannan alǵashqy saǵattardan bastap, kompanııa jedel túrde barlyq múmkin bolatyn sharalardy qabyldady. «KazAzot» AQ bastamasymen zardap shekkenderge kómek kórsetý úshin Qazaqstan Respýblıkasynyń bas reanımatology men kúıik jaraqattary boıynsha jetekshi maman shaqyrtyldy. Barlyq medıtsınalyq shyǵyn kásiporyn esebinen tolyq óteledi, - delingen habarlamada.

Kompanııa zardap shekken qyzmetkerlerdiń otbasy múshelerimen jáne dárigerlermen turaqty baılanysta bolyp, naýqastardyń tezirek saýyǵyp, jumysqa qaıta oralýy úshin bar jaǵdaıdy jasaıtynyn habarlady.

Sonymen qatar kompanııa oqıǵa týraly quzyrly organdarǵa jedel habarlaǵanyn jetkizdi. Qazir osy oqıǵaǵa boıynsha tergeý amaldary júrgizilip jatyr. 

Buǵan deıin Mańǵystaýda qyzmetkerlerine 197 mıllıon teńge qaryz munaı kompanııasy týraly jazǵan bolatynbyz.