Mańǵystaýda qatty jelden saýda ortalyǵynyń shatyry ushyp ketti
AQTAÝ. KAZINFORM — Oqıǵa Munaıly aýdany Basqudyq aýylynda bolǵan. Ekpindi jeldiń saldarynan eki qabatty ǵımarattyń shatyry ushyp, jerge túsken. Oblystyq tótenshe jaǵdaılar departamentiniń habarlaýynsha, turaqta turǵan kólikterge zaqym keldi.
— 16 aqpanda saǵat 18-45-te «Instagram» áleýmettik jelisindegi «112_Aktau» paraqshasyna júrgizilgen monıtorıng barysynda Munaıly aýdany, Basqudyq aýyly, 15/3 ǵımaraty meken-jaıynda ornalasqan «Baqjan» saýda ortalyǵynda ekpindi jeldiń saldarynan eki qabatty ǵımarattyń 100 sharshy metr aýmaqta shatyry ushqany anyqtaldy. Ǵımarattyń jalpy aýmaǵy — 612 sharshy metr, — delingen habarlamada.
Ushqan shatyr turaqta turǵan 2 avtokólik pen 1 jaryqtandyrý baǵanasyn zaqymdaǵan. Abyroı bolǵanda eshkim zardap shekken joq. Oqıǵa ornyna departament qyzmetkerleri men 2 tehnıka jumyldyrylǵan. Aýdan boıynsha tirshilikti qamtamasyz etý nysandary shtattyq rejımde jumys istep jatyr.
Aıta keteıik, aımaqta aýa raıy jaýyn-shashynsyz, aýa temperatýrasy +10°S, ońtústik-shyǵystan soqqan jeldiń jyldamdyǵy — 10 m/s.
Buǵan deıin, Óskemende mektep oqýshylary qaladaǵy smogqa baılanysty qashyqtan oqıdy.