Mańǵystaýda Kaspıı teńizine maı tógilgen beınejazba tarady
AQTAÝ. KAZINFORM — Mańǵystaý oblysynda Atash jaǵajaıy mańyndaǵy Kaspıı teńiziniń akvatorııasynan maıly daqtar anyqtaldy.
Ekologtar aýmaqta monıtorıng júrgizip, teńiz sýynan zerthanalyq saraptamaǵa synama aldy.
Maıly daqtardyń anyqtalǵany týraly aqparat 8 tamyzda túsken. Osyǵan baılanysty Mańǵystaý oblystyq Ekologııa departamentiniń mamandary Atash jaǵalaýy men oǵan irgeles Kaspıı teńiziniń akvatorııasyn teksergen.
— Monıtorıng barysynda teńiz sýynan synamalar alyndy. Olar zerthanalyq zertteýge jiberildi, — dep habarlady Ekologııa departamentinen.
Qazirgi ýaqytta Atash aýmaǵynda jáne oǵan irgeles teńiz akvatorııasynda monıtorıng jumystary jalǵasyp jatyr.
Vedomstvo mamandary teńizde jumys isteıtin keme ekıpajdaryna, sondaı-aq aılaq ıelerine ekologııalyq talaptardy qatań saqtaý jáne munaı ónimderiniń teńiz sýyna tógilýine jol bermeý qajettigin eskertti. Jaǵdaı oblystyq ekologııa departamentiniń baqylaýynda.
Buǵan deıin, Mańǵystaýda qutqarýshylar jaǵalaýdan qashyqtap ketken jupqa kómektesti.
