Mańǵystaýda Kaspıı ıtbalyqtaryna qatysty taǵy bir jaǵdaı tirkeldi
AQTAÝ. KAZINFORM — Mańǵystaý oblysyndaǵy Baýtın aýylynyń mańynda Kaspıı teńiziniń jaǵalaýynan 12 óli ıtbalyqtyń ushasy tabyldy.
Ólekselerdi Aqtaý qalasynyń turǵyny anyqtaǵan. Ol 11 qazanda jaǵalaýdy aralaý kezinde ólgen ıtbalyqtardy baıqap, sýretterin quzyrly organǵa joldaǵan. Aıtýynsha, janýarlardyń ushalary shamamen 2,5-3 shaqyrymǵa sozylǵan aýmaqta jatyr.
Mańǵystaý oblystyq balyk ınspektsııasy baskarmasy oqıǵa ornyna mamandar jiberilgenin jetkizdi. Jaǵdaı rastalsa, resmı jaýap berilmek.
Aıta keteıik, Kaspıı ıtbalyǵy — joıylyp ketý qaýpi bar janýarlar qataryna jatatyn endemık. Ókinishke qaraı, sońǵy jyldary kúzde jáne kóktemde onyń ólekseleri Mańǵystaý jaǵalaýynan jıi tabylyp júr.
Buǵan deıin, Kaspıı jaǵalaýynan 300-ge jýyq ıtbalyqtyń óleksesi tabyldy.
Kaspııdegi ıtbalyqtardyń qyrylýy búkil teńiz akvatorııasynda bolyp jatqany habaralandy.
Byltyr 11 aralda bar edi, bıyl ekeýinde ǵana: Kaspııdiń tartylýy ıtbalyqqa qalaı áser etip jatyr.
