Mańǵystaýda qarǵa batqan jıyrma-shaqty kólik qutqaryldy

AQTAÝ. KAZINFORM - Mańǵystaý oblysynda qardyń qalyń túsýine baılanysty qutqarý qyzmetiniń kómegine jıyrmaǵa tarta kólik júrgizýshisi júgindi.

Óńirde sońǵy úsh kúnde 6 kólik qarǵa batyp, keıin qaýipsiz jerge shyǵarylǵan. Olardyń deni avtojoldan tysqary aýmaqta qar qursaýynda qalǵan kólikter ekeni anyqtalyp otyr.

«17 aqpan kúni qarǵa batqan kólikterge qutqarý qyzmeti 4 ret baryp, tıisti kómek kórsetti. Al 18 aqpanda mundaı eki oqıǵa tirkeldi. Atalǵan jaǵdaılardyń barlyǵy Aqtaý, Jańaózen qalalary men Qaraqııa aýdanynyń aýmaǵynda oryn aldy. Onyń ishinde Jańaózen-Jetibaı tas joly, Qulaly aýyldaryna qutqarý qyzmetiniń mamandary bardy», — dedi óńirdiń apattyq-qutqarý qyzmetiniń ókilderi.

Mańǵystaýda 12-18 aqpan kúnderi aralyǵynda apattyq-qutqarý qyzmeti dabyl boıynsha 40 ret arnaıy shaqyrtýmen oqıǵa ornyna barǵan. Onyń ishinde 8 oqıǵa órtke qatysty, 18-i qutqarý jumystarymen baılanysty bolyp otyr.

Sondaı-aq, janý jaǵdaıy boıyn 13, rastalmaǵan 1 shaqyrtý tirkelgen.