Mańǵystaýda qaraqurt shaqqan 2,5 jastaǵy bala aman qaldy
AQTAÝ. KAZINFORM — Mańǵystaý oblysynda qaraqurt shaqqan 2,5 jastaǵy bala jansaqtaý bóliminde 10 kúndeı em qabyldap, aman qaldy. Dárigerler búldirshinniń jaǵdaıyn turaqtandyrý úshin qaraqurtqa qarsy sarysýdy eki ret engizgen. Qazir bala úıine shyǵaryldy.
Qyrkúıek aıynda ýly jándik shaqqan belgilerimen bala Mańǵystaý aýdandyq aýrýhanasyna túsken. Jaǵdaıynyń aýyrlyǵyna baılanysty ony oblystyq balalar aýrýhanasyna jetkizgen.
Mańǵystaý oblystyq kópbeıindi balalar aýrýhanasynyń anestezıologııa, reanımatsııa jáne qarqyndy terapııa bóliminiń meńgerýshisi Mereke Bekbaevtyń aıtýynsha, bala aýrýhanaǵa túsken kezde es-tússiz bolǵan. Tynys alýy qıyndap, júrek soǵysy ózgergen jáne qan qysymy tómendegen. Ol jasandy tynys alý apparatyna qosylǵan. Em barysynda naýqasty qaraqurt shaqqany anyqtaldy.
— Naýqastyń jalpy jaǵdaıy óte aýyr boldy. Es-tússiz jatty, tynys alýy qıyndap, júrek soǵysy ózgerip, arterııalyq qan qysymy tómendedi. Em barysynda naýqasty qaraqurt shaqqany jáne oǵan qarsy sarysýyn egý sheshilgen bolatyn. Qaraqurtqa qarsy sarysýdy eki ret engizdik. Sonyń nátıjesinde besinshi-altynshy táýlikterde jaǵdaıy jaqsaryp, esin jııa bastaǵany baıqaldy. Jansaqtaý bóliminde 10 kúndeı em alǵannan keıin beıindi bólimge aýystyryldy. Qazir esin tolyq jıyp, úıine shyǵaryldy. Ómirine qaýip tónip turǵan joq, — deıdi dáriger.
Aıta keteıik, qaraqurttyń ýy adam densaýlyǵyna qaýipti. Mamandar ýly jándik shaqty degen kúdik bolsa, dereý medıtsınalyq kómekke júginýge keńes beredi.
Buǵan deıin, Mańǵystaýda on kúnde bes balany qaraqurt shaqty.
Mańǵystaýda túıelerdi qaraqurt shaǵyp jatyr.
