Mańǵystaýda Qarakólge qaldyq sý aǵyzǵan Rixos qonaq úıine aıyppul salyndy
MAŃǴYSTAÝ. KAZINFORM – Mańǵystaý oblystyq ekologııa departamenti Rixos qonaqúıine tekseris nátıejesinde aıyppul saldy.
Óńirdiń ekologııa departamentiniń málimetinshe, 8 qańtarda tabıǵı orta assotsıatsııa keńesiniń tóraǵasy Á.Qozbaqov Aktau Tourism City Ltd jeke kompanııanyń fılıaly men TetysBlu parkki jaǵynan Qarakólge qubyr arqyly sarqyrama tógindi sýdyń quıylyp jatqany boıynsha aryz túsirdi.
«Atalǵan derek boıynsha departament "Rixos Water World Aktau" qonaq úıine Qazaqstan Respýblıkasynyń kásipkerlik kodeksiniń 144 baby 5 tarmaǵynyń 3 tarmaqshasyna sáıkes, 2024 jyldyń 9 qańtarynda №3 sandy jospardan tys tekseris júrgizdi. Tekseris nátıjesi boıynsha ekologııalyq zań talaptary saqtalmaǵandyǵy anyqtalyp, QR «Ákimshilik quqyq buzýshylyq týraly» kodeksiniń 331 babynyń 2 tarmaǵyna sáıkes - osy baptyń birinshi bóliginde kózdelgen 1 846 000 tenge aıyppul salyndy jáne «Ákimshilik quqyq buzýshylyq týraly» kodeksiniń 328 babynyń 1 tarmaǵyna oraı qorshaǵan ortaǵa jaǵymsyz áser etetin jumys istep turǵan nysanǵa jańadan berilgen ekologııalyq ruqsatsyz emıssııalardy júzege asyrǵany boıynsha is qozǵalǵandyǵyn jáne aıyppul 232 663 teńge salyndy», - dep jazylǵan departamenttiń habarlamasynda.
Ekologııa departamentiniń qańtar aıyndaǵy ńusqamasy negizinde «Rixos Water World Aktau» qonaq syrtqa shyǵatyn aǵyndy qaldyq sýlardyń qalalyq káriz jelilerine qosylǵanyn jáne tazartylǵan aǵyndy sýlaryn aǵyzatyn Qarakól kólindegi qubyrdyń alynǵanyn málimdedi.
Ótken jyldyń jeltoqsan aıynyń sońyna taman Mańǵystaý oblysynda qyrylǵan aqqýlar týraly derek belgili boldy. Keıin olardyń jappaı ólýiniń sebebi anyqtaldy.
Sondaı-aq, myńnan astam qyrylǵan aqqýdy joıý jumystary qalaı júrip jatqany belgili boldy. Keıin qustardyń qyrylýyna Rixos Aktau-dyń qatysy bar-joǵy áli tekserilip jatqany aıtyldy.
